Psalms 41
Hafeigoc yeac nunumu
Yegecgareng yearu. Dawidingo yegec yofi heiec.
1Ngic mong ye ngicngac makpekpea yenenggareng ayemmeande, ye kenehagoc. EbicnasouKEBUNGO ye ebicfunac mesima 2onggonggema kekeha garenggeu ye bangehau sogac sogaigoc kefude. Ngabafora yeneng megecdeac ayemmeuKEBUNGO yeneac mariu naric mi faiude. 3Ye hafei ammiu femanuKEBUNGO meserima hafeia meickema monggoc mengereeude.4Neng yoac yofi deai, “OKEBU, ni gearu kopocsic meficgeai. Ge imocac neac ubaga manganeu mengerenuna.” 5Ngabafocna yeneng neac yoac mangana dema yofi deandae, “Ye homeu kpara kpac ambeso.”
6Ngic mongngo yugucnubeso hama ni tobannuudeac negen negeng ubahereau arenggeude. Ye yoac fora mong mi dema monggoc mama kemma imoc deyadiude. 7Ngic neac modzongina tiande, yeni sasawango neac yoac sangic sangic denengeng amma wiac mangana yombong fingecnenudeac negemma 8yofi deandae, “Ye hafei mangana yombong ammiu fefeunac monggoc naric mi yarude.”
9Nga tosona nigoc wegenac kecande, ye negenserima kefai. Ye warac yaka nigoc nekefec nga yeng ifingoc gofoc gofohango tifacnuma docfu fainuec.
10OKEBU, ge ubaga sifu neac manganeu miacnuna ngereema namma turunga merengyemmebade.
11Ngabafocna yeni firang amma mi memanugec, imocac yofi negenduae, ge neac negenna ngereede. 12Ni dindingac kecma kopocsic mong mi meficgeaiac geng nanggenuma geac hoannu fainuna ni imohai nasosoc kecbade.
13KEBU Israeac Anutu, ye nasoya nasoya kenehema keneengkecbesonga. Imoc fora nga fora yombong.
Copyright information for
DED